ab meri nigahon mein jachta nahi koi lyrics

ab meri nigahon mein jachta nahi koi

jaisay mere sarkar hain aisa nahi koi

tum sa to haseen aankhh nay dekha nahi koi

yeh shaan Latafat hai ke saya nahi koi


ae zarf nazar dekh magar dekh adab se

sarkar ka jalva hai tamasha nahi koi


kehti hai yahi tor se ab taq shab-e-mairaaj

deedar ki taaqat ho to parda nahi koi


hota hai jahan zikar Mohammad ke karam ka

is bazm mein mahroom tamanna nahi koi


aizaz yeh haasil hai to haasil hai zamee ko

aflaaq pay to gunbad khazra nahi koi

sarkar ki rehmat nay magar khoob nawaza

yeh sach hai ke Khalid sa nikamma nahi koi

ab meri nigahon mein jachta nahi koi

jaisay mere sarkar hain aisa nahi koi