Mila Hamen Dar E Khair Ul Wara Se Naat Lyrics Poetry

Mila Hamen Dar E Khair Ul Wara Se Naat Lyrics Poetry

Yeh Nah Pucho Mila Hamein Dar E Khair-Ul-Wara Se Kya

Nazar Un Ki Parri To Hum Huye Pal Bhar Mein Kya Se Kya

Jise Aadab E Gulshan E Nabwi Ki Khabar Nahi

Woh Bhala Le Ke Jaye Ga Chaman E Mustafa Se Kya

Jise Is Ka Yaqeen Hai Ke Wohi Bakhshwaen Ge

Koi Khatrah, Koi Jhijak Ussey Roz-E-Jaza Se Kya

Mere Dil Ki Woh Dharkanain Dam E Faryaad Sunte Hain

Mutwajjah Jo Hain, Woh Hain, Mujhe Baad E Saba Se Kya

Nazar Un Ki Jo Ho Gayi, Assar Aaya Dua Mein Bhi

Mere Dil Ki Tarap Hi Kya, Mere Dil Ki Sada Se Kya

Rah E Tayyiba Mein Be Khudi Ke Manazir Hain Deedni

Kabhi Naqshe Hain Kuch Se Kuch, Kabhi Jalwe Hain Kya Se Kya

Assar Andaaz Is Pe Bhi Mere Aaqa Ka Rang Hai

Kahin Ankhen Milaye Ga Koi Un Ke Gadda Se Kya

Ajal Aati Hai Rubaroo, To Dabe Paon, Ba Wazu

Jo Muhammad Pe Mar Mita, Ussey Darna Qaza Se Kya

Jise Khairaat Be-Talab Mile Bab-E-Rasool Se

Ussey Darain Mein Naseer Gharz Masiwa Se Kya?

Yeh Nah Pucho Mila Hamein Dar E Khair-Ul-Wara Se Kya

Nazar Un Ki Parri To Hum Huye Pal Bhar Mein Kya Se Kya