Manqabat Mola Ali Lyrics In Urdu - Manzar Fiza E Dahar Main Sara Ali Ka Hai

manzar fiza e dahar main lyrics in roman urdu image

منظر فضائے دہر میں سارا علی کا ہے

جس سمت دیکھتا ہوں، نظارہ علی کا ہے

کُل کا جمال جزو کے چہرے سے ہے عیاں

گھوڑے پہ ہیں حسین، نظارا علی کا ہے

مرحب دو نیم ہے سر مقتل پڑا ہوا

اُٹھنے کا اب نہیں کہ یہ مارا علی کا ہے

دنیا میں اور کون ہے اپنا بجز علی

ہم بے کسوں کو ہے تو سہارا علی کا ہے

تو کیا ہے اور کیا ہے تِرے علم کی بساط

تجھ پر کرم نصیر یہ سارا علی کا ہے

دنیائے آشتی کی پھبن ، مجتبی حسن

لختِ جگر نبی کا تو پیارا علی کا ہے

ہستی کی آب و تاب،حسین آسماں جناب

زھرا کا لال، راج دلارا علی کا ہے